Today's Highlights

Fun & Fashion

International

Latest Updates

मेरो छाति आकर्षक छ : बिनिता बराल

5:42 AM

साउन ६,काठमाडौं-

'चपली हाईट' चलचित्रबाट उदाएकी नायिका बिनिता बरालको हट छवि अझै मेटिएको छैन । प्रस्तुत छ पछिल्लो समयमा केहि ओझेलमा रहेकी बिनितासंग गरिएको फरक विषयको (स्तन) कुराकानी :

स्तन "स्तनपान" का लागि बनेको हो भन्ने कुरा मान्नुहुन्छ ?
मान्दिनँ, सन्तान प्राप्तिपछि चाहिँ स्तनपानका लागि नारीलाई भगवान्ले दिएको वरदान हो, तर म ब्रेस्टलाई नारी भनेर चिनाउने अंगका रूपमा लिन्छु।

स्तनबिना महिलाको सौन्दर्य हराउँछ भनिन्छ, तपाईं के भन्नुहुन्छ ?
सौन्दर्यको महत्वपूर्ण अंग भएकाले स्तन भएन भने सौन्दर्य हराउँछ भन्ने कुरा मान्छु।

'क्लिभेज' देखिने पहिरन र नदेखिने पहिरन लगाउँदा तपाईंलाई हेर्ने नजरमा के फरक पाउनु भएको छ ?
फरक पाएकी छु। विदेशमा त्यो कुरा सामान्य मानिए पनि हाम्रो समाज यौन कुण्ठित भएकाले क्लिभेज देखाउँदा टीका-टिप्पणी हुन्छ।

कुनै बेला कसैले तपाईंको स्तन आकर्षक छ भनेर भनेका छन् ?
त्यस्तो 'कम्लिमेंट्स' पाएकी छैन।

भनिन्छ, ग्ल्यामर क्षेत्रमा महिलाहरूको स्तन आकर्षक र ठूलो देखिनुपर्छ, तपाईंचाहिँ त्यसका लागि के गर्नुहुन्छ ?
ठूलोभन्दा पनि आकर्षक देखिनुपर्छ भन्ने लाग्छ। मेरो जीउडाल अनुसार मेरो ब्रेस्ट आकर्षक छ। त्यसैले त्यसलाई थप आकर्षक बनाउन खासै केही गर्दिनँ।

आफ्नो स्तनलाई कस्तो मान्नुहुन्छ, ठूलो, सामान्य कि सानो ?
सामान्य।

स्तन क्यान्सरप्रति कत्तिको सजक हुनुहुन्छ ?
बेलाबखत चेकअप गराउँछु। एञ्जिलिना जोलीले त्यही कारणले आफ्नो स्तन गुमाउनु परेको घटनापछि सम्भवतः धेरै महिला मजस्तै सजग भएका होलान् र हुनु पनि पर्छ।


जुन २१ मा अप्रिल फुल ?

4:55 AM


नेपाली कथानक चलचित्र ‘अप्रिलफुल’ यही असार ७ गते शुक्रबारदेखि प्रदर्शनमा आउने भएको छ । 

राजधानी काठमाडौं लगायत देशभर एकसाथ चलचित्र प्रदर्शनमा आउन लागेको हो । चलचित्र ‘अप्रिलफुल’ थर्ड टिम फिल्म्स प्रा. लि.को ब्यानरमा निर्माण गरीएको हो ।
 
चलचित्रको प्रमोसनका क्रममा बुटवल आएको अप्रिलफुलको टोलीले बुटवलमा पत्रकार सम्मेलनको आयोजना गरी चलचित्रको विविध पक्षबारे जानकारी गराएको हो । भद्र भुजेलद्वारा निर्देशित ‘अप्रिलफुल’को निर्माता विनोद लामिछाने र कार्यकारी निर्माता टिकाराम बिष्ट रहेका छन् । कमल/केशब लामिछाने प्रस्तुतकर्ता रहेको सो चलचित्रमा दिपक शर्माको संगित, कविराज गहतराजको नृत्य तथा सुर्य ठोकरको द्धन्द निर्देशन रहेको छ । 
 
रामशरण उप्रेतीले छायाङ्कन गरेको ‘अप्रिलफुल’मा मुस्कान ढकालको कथा र प्रकाश पुरीको पटकथा रहेको छ भने सुमीना घिमिरे, कुमार लामिछाने, विनोद न्यौपाने, ऋषी न्यौपाने, मनोज लामिछाने, महीमा सिलवाल, किरण न्यौपाने, देशभक्त खनालको अभिनय रहेको छ ।

राजधानी काठमाडौं लगायत बुटवल र पाल्पामा छायाङ्कन गरीएको सो चलचित्रले दर्शकहरुलाई मनोरञ्जन र सन्देश दिने विश्वास चलचित्रका नायक मनोज लामिछानेको छ । ६० लाख लागतमा निर्मित ‘अप्रिलफुल’ले राम्रो बजार पाउने आशा थर्ड फिल्म्स प्रा.लिले विश्वास छ । चलचित्रले एडल्ट सर्टिफिकेट प्राप्त गरेको बताईएको छ । 

रेखाको नयाँ अवतार

8:52 PM


फिल्मीकुरा,असार ५ ।

बजारमा अहिले नयाँ रेखा थापाको निकै चर्चा चल्न थालेको छ । नझुक्किनुहोला रेखा थापा नामकी नयाँ कुनै नायिका नेपाली चलचित्र क्षेत्रमा आएछिन् कि के हो भनेर ।

कुरा हो उनै चुलबुले शोमेकर नायिका रेखा थापाको । कहिले पत्रकार कुटेर,कहिले नायकहरुसँगको विवाद,कहिले पतिसँगको सम्बन्ध त कहिले राजनीतिक कारण चर्चामा आइरहन खप्पीस नायिका थापाको पछिल्लो चर्चा भने उनको नयाँ लुक र सौन्दर्यको कारण हुन थालेको हो ।

नेपाली चलचित्र क्षेत्रकै हट एण्ड सेक्सी नायिकाको उपमा पाइसकेकी रेखा उमेरले जति जति उकालो लाग्दैछिन् उति नै उनको सौन्दर्यमा पनि निखारपन आउन थालेको देखिन्छ । उनको त्यो सौन्दर्यलाई भर्खरै मात्र बजारमा आएको अँग्रेजी पत्रिका 'वेभ' को जुन अंकले आफ्नो कभर पेजमा प्रयोग गरेको छ ।
अहिलेसम्म प्रकाशित फोटोहरु भन्दा विल्कुलै नयाँ लुकमा खिचिएका ती फोटोहरुमा रेखा साँच्चिकै आकर्षक र सुन्दर देखिएकी छिन् ।

रेखालाई यसरी नयाँ लुकमा प्रस्तुत गर्न पत्रिकाकी सम्पादक पूर्व मिस नेपाल माल्भिका सुब्बा र फेसन डिजाइनरहरु तेञ्जिङ छेतेन,शुभेच्छा वादेल,रसना श्रेष्ठ र मेकअप आर्टिष्ट सकिल कुँवरले निकै मिहिनेत गरेका छन् ।

एकीकृत नेकपा माओवादीमा प्रवेश गरेपछि थापाको चर्चा अरु बढेको छ । पार्टीमा प्रवेश गरिसकेपछि पनि उनी काली नामको चलचित्र बनाउन सक्रिय छिन् । यसै सन्दर्भमा भर्खरै रेखाले दिएको एक अन्तरवार्तामा उनले आफूमाथि हुँदै आएका आलोचनाहरुको यसरी प्रतिवाद गरेकी छन् :
कलाकार राष्ट्रको गहना हुन्छन् । तर तपाई त माओवादीको कार्यकर्ता बन्नुभयो, हामी तपाईलाई कलाकार भनौं कि पार्टीको कार्यकर्ता ?
–म गहनाबाट अब देशको सेवक हुन चाहन्छु । मलाई कुनै पनि पार्टीको कार्यकर्तामात्रै भन्दा पनि तपाईहरु र राष्ट्रको सेवकका रुपमा चिनिदिनुभए हुन्छ । म माओवादीमा प्रवेश गरेको पनि देश र जनताको सेवा गर्नकै लागि हो । समाजको सेवक बन्नका लागि हो ।
Rekha-Thapaके देखेर, र के गर्छु भनेर माओवादीमा प्रवेश गर्नुभयो ? पार्टीमा तपाईको भूमिका के रहन्छ ? पार्टीको नीति नियमको बारेमा कत्तिको स्पष्ट हुनुहुन्छ ?
–पार्टीमा लागिसकेपछि त्यसका नीति नियमहरुको पालना गर्नैपर्छ । कतिपय नीति नियम नयाँ पनि बन्दै जान्छन् । पार्टीमा लागिसकेपछि नबुझेका विषय पनि बुझिन्छ । जहाँसम्म मेरो भूमिकाको प्रश्न छ, मलाई यस्तै भूमिका चाहिन्छ भन्ने आग्रह छैन, राजनीतिमार्फत समाजको सेवा गर्ने मेरो भूमिका रहने छ । बाँकी भूमिका भविश्यले निर्धारण गर्नेछ ।
तपाईले पार्टी प्रवेश गर्दा माओवादी गरीवको पार्टी भन्नुभएको थियो । तर, तपाईका नेताहरु आलिसान महलमा बसिरहेका छन् । गरीव जनताको कुरा सुनिरहेका छैनन् । तपाई यसलाई कसरी लिनुहुन्छ ?
–युद्धका बेला नेताहरुको भूमिका बेग्लै थियो । तर, अहिले सरकारमा जाने र अन्य भूमिका निर्वाह गर्ने क्रममा उहाँहरुले प्रयोग गरेका महलहरु नेताका पेवा होइनन् जस्तो मलाई लाग्छ ।
पहिला छवि ओझालाई प्रयोग गर्नुभयो, अब फेरि माओवादी पार्टीलाई प्रयोग गरेर अगाडि बढ्न थाल्दै हुनुहुन्छ भन्ने तपाईलाई आरोप लाग्ने गरेको छ, के यो साँचो हो ?
हिजोका दिनमा कसले कसलाई प्रयोग गर्यो, त्यो इतिहासले प्रष्ट पार्ने कुरो हो । चेतनशील मान्छेले कसैलाई यस्तो आरोप लगाउन सक्दैन । म कसैलाई प्रयोग गर्ने वा कसैबाट प्रयोग हुने मान्छे होइन । मान्छेले अपमानित गर्नका लागि यस्ता आरोपहरु लगाएका मात्र हुन् । तपाईहरु कोही पनि यस्तो भ्रममा नपर्नुहुन आग्रह गर्छु ।
देशमा बढदो अशान्ति गरीविले गर्दा लाखौ युवाहरु विदेशिएका छन । तपाईको पार्टि प्रवेशले ति युवाहरुलाई स्वदेशमै राख्ने खालको कुनै योजनाहरु छन् ?
–म पार्टीमा नरहँदा पनि र नरहँदा पनि यस विषयमा सोच्ने गरेकी छु । अमेरिका गएर फर्केपछि मैले देशभित्रै बसेर केही गर्नुपर्छ भन्ने कुरा गर्दा धेरैले मेरो विरोध गरे । हामीकहाँ राम्रो काम गर्न खोज्दा विरोध गर्ने चलन छ । तर, म विचलित नभई युवाहरुको पक्षमा काम गर्न तयार छु । म आफैं पनि युवा हुँ । त्यसैले युवाहरुले विदेश जानु नपरोस्, रोजगारीका लागि भनेर एकजना पनि नेपालीले एयरपोर्ट टेक्नु नपरोस् । त्यसका कहाँ कहाँ संघर्ष गर्नुपर्ने हो, त्यसका लागि लड्न म तयार छु । बरु यसका लागि मैले पार्टीभित्र र बाहिर कसरी संघर्ष गर्नुपर्छ, सल्लाह र सुझाव दिनुहोला, तपाईहरुसँग हातेमालो गरेर अघि बढ्न म तयार छु । तपाई हामीले मिलेर यो काम गर्नुपर्छ र देशको भलो हुने काम सोच्नुपर्छ । तपाईहरुको माया पाएपछि मैले यसबारे अवश्यै केही गर्न सक्छु भन्ने सोचेकी छु ।
तपाई आफुलाई कतिको सेक्सी ठान्नुहुन्छ ? जति उमेर ढल्कँदैछ, उति सेक्सी देखिन थाल्नुभएको छ, यसको राज के होला ?
–मेरो उमेर कहाँ ढल्केको छ र ? झनै जवानी पो चढ्दैछ ! जहाँसम्म सेक्सी देखिएको भन्ने कुरा छ, मलाई त्यस्ती छु जस्तो लाग्दैन, तपाईहरुलाई लाग्यो होला ।
सेक्सबारे तपाईको धारणा के हो ?
–सेक्सका बारेमा भन्दा पनि म देशका बारेमा सोच्न चाहन्छु । धेरै युवायुवतीले देश छाडेर, विदेशमा गएर काम गरिराख्नुपरेको छ । हाम्रा सबै नेपाली दाजुभाइले आफ्नै देशमा बसेर काम गर्ने र खुशीसाथ जीवन बिताउने वातावरण बनाउनुपर्छ ।
अर्को विवाह गर्ने सोचाइमा हुनुहुन्छ कि ? के सोचाइ बनाउनुभएको छ ? घरबार गर्ने हो भने कस्तोखालको रोज्नुहुन्छ ?
–मैले विवाहबारे केही पनि सोचेकी छैन र अहिले विवाह मेरो कल्पनाभित्र छैन । जहाँसम्म मेरो कस्तोखालको घरबार हुन्छ भन्ने प्रश्न छ, मैले केटाको धन सम्पत्ति हेर्दिँन । मेरो घरबार रिक्साचालक वा सब्जी ब्यापारीसँग पनि हुन सक्छ । वैदेशिक रोजगारीमा गएकाहरुसँग पनि हुन सक्छ । मैले यसबारे अहिल्यै सोचेकी छैन ।
तपाई र छविको सम्बन्ध टुटेको रहेछ, अब तपाईको साथ पाउने भाग्यमानी को होला ?
–विवाह, सम्बन्ध र मृत्यु आफूले चाहेर नहुँदोरहेछ । अब मेरो कोसँग विवाह होला, यो मेरो कल्पना बाहिरको कुरा हो ।
छवि ओझालाई छाडनुको कारण के हो ? धन, उमेर या सेक्स ?
–छविजीलाई मैले छाडेकी हैन, माथिबाटै यस्तो हुन गएको हो । लेखान्तको कुरो हो ।
तपाईको नाम प्रकाश दाहाल र जीवन लुइटेलसँग जोडिन थालेको रहेछ, सत्य के हो ?
–जीवन लुँइटेल र म एउटै गाउँका हौं । उनी मेरी मम्मीलाई मम्मी भन्छन् । हाम्रो परिवारमा उनको आवत-जावत पनि भैरहन्छ । उनी मेरा असाध्यै राम्रा साथी हुन् । उनले पनि चलचित्र क्षेत्रमा १० वर्षभन्दा बढी संघर्ष गरेर यहाँसम्म आएका छन् । उनी विवाहित मानिस हुन् । जहाँसम्म प्रचण्डपुत्रको कुरा छ, काम नभएका मान्छेले फुर्सद कटाउन लगाउने यस्ता उट्पट्याङ आरोपका पछाडि लाग्ने मलाई फुर्सद छैन ।
(मलेसियाबाट प्रकाशित हुने नेपालीखबरका लागि त्यहाँस्थित विभिन्न नेपाली युवाहरुले सोधेका प्रश्न र नायिका थापाले दिएको जवाफमा आधारित)



माईकल ज्याकसनकी छोरीद्वारा आत्महत्याको प्रयास

8:22 PM


जेठ २३ काठमाडौं

पप गायकका सम्राट भनेर चिनिने माईकल ज्याकसनकी १५ वर्षिय छोरी परिस ज्याकसनले आत्महत्याको प्रयास गरेकी छिन् ।

अमेरिकाको वाल स्टिट्र जर्नलले जनाएअनुसार बुधवार राति स्थानीय समयअनुसार १:३० बजे उनले आत्महत्याको प्रयास गरेकी हुन् । किचनमा प्रयोग हुने चक्कुको सहायताले उनले आफ्नो एउटा हत्केला काटेकी छन् ।  परिसको अहिले लस एन्जसल्स हस्पिटलमा उपचार भइरहेको छ । राती १ बजेर २७ मिनेट जाँदा ज्याकसनका छिमेकीहरुले प्रहरीको आक्समिक सेवा ९११ मा फोन गरी घटनाको जानकारी दिएका थिए ।

घरपरिवारले मन्सुन कन्सर्टमा जान नदिएको कारण गर्दा नै उनले आत्महत्याको प्रयास गरेको बताइएको छ । आत्महत्या गर्नुअगाडी उनले आफ्नो ट्विटर यसरी अपडेट गरेकी थिइन् ।

सन् २००९ मा यो संसारबाट बिदा भएका पप सम्राट ज्याकसनलाई अन्तिम श्रद्धान्जली दिँदा छोरी परिसले आफ्नो बाबु कल्पना गरेको भन्दा पनि राम्रो पिता भएको कुरा बताएकी थिइन् ।

दुइ दिन अगाडी उनले आफुले कसरी मेकअप गरेको भिडियो समेत सामाजिक संजालमा आपलोड गरेकी थिईन 

ममाथि शोषन भयो : रेखा थापा

3:26 AM

जेठ २१,काठमाडौं (फिल्मीकुरा) ।

नायिका रेखा थापाले आफू विरुद्ध भ्रामक समाचार लेखेको भन्दै एक साप्तहिक पत्रिकाका सम्पादक माथि गुनासो पोखेकी छिन् ।

फेसबुक मार्फत नायिका थापाले दृष्टि साप्ताहिकका सम्पादकले आफ्ना बारे तथानाम लेखेर महिला हिंसा गरेको आरोप लगाएकी छिन् । उनले लेखेकी छिन्–दृष्टि साप्ताहिकका सम्पादक उमेरले मेरो काका जस्तै आदरणीय हुनुहुन्छ । तर एउटा सभ्य मान्छेले महिलाको चरित्र माथि यसरी जथाभावी लेख्न लेख्ने छुट हुन्छ ? 

आफ्नो स्टटसमा रेखाले महिलासँग अनुचित सम्बन्ध राख्नेहरुले नै महिलाका चरित्र माथि यसरी प्रश्न उठाउने दाबी समेत गरेकी छिन् । त्यसैले सम्पादकलाई एउटा ऐनाको आवश्यकता परेको पनि उनले जिकिर गरेकी छिन् । 

सम्पादकप्रति व्यँग्यत्मक रुपमा प्रस्तुत हुँदै थापाले सम्पादकको छोरी र भतिजीमाथि कसैले प्रश्न उठाउने दिन नआओस् भन्ने कामना गर्दै आफूले मानहानीको मुद्दा पनि नहाल्ने प्रष्ट पारेकी छिन् । 

एकीकृत माओवादी अध्यक्ष प्रचण्डपुत्र प्रकाशसँग आफ्नो नाम जोडेर समाचार छापिएपछि रेखाले आक्रोश मिश्रित स्टाटस् पोष्ट गरेकी हुन् । 
 
Copyright © FILMYKURA ..news,gossips and more.. Designed by OddThemes