के तपाई चलचित्र बनाउदै हुनुहुन्छ ? र त्यसमा बिराज भट्टलाई खेलाऊने योजना बनाउदै हुनुहुन्छ ? सावधान है, तपाइको त्यो योजना विफल पनि हुनसक्छ । कारण सुपरस्टारिजमको ट्रयाकतर्फ लम्किरहेका नायक विराज भट्टले सातवटा भोजपुरी फिल्म हालै साइन गरेका छन् । मुम्बईमा जाम्बाज जिगरवाले नामको भोजपुरी फिल्मको सुटिङ सिध्याएर फर्किएका भट्टले भने, 'थुप्रै भोजपुरी फिल्मबाट अफर आएका छन् । सातवटा त साइन गरे । कतिपय निर्माताले भेट्न खोज्दा समय नै मिलेन ।'
जाम्बाज जिगरवाले उनले अभिनय गर्ने पाँचौ भोजपुरी फिल्म हो । यसअघि आफू खेलेका भोजपुरी फिल्म दिवाना, लगल अ राजाजी, हम हे हिरो हिन्दुस्तानी र जन्जिर हिट भएकाले भोजपुरी फिल्ममा आफ्नो डिमान्ड बढेको उनले बताएका छन् । जाम्बाज जिगरवाले सुटिङका लागि एक महिना मुम्बई बसेर फर्किएका उनी सो फिल्ममा प्रमुख भूमिकामा छन् । विराजसँगै सो फिल्ममा बलिउड नायक गोविन्दाको भान्जा विनय आनन्द र दक्षिण भारतीय फिल्मकी हिरोइन सोनाली जोशी प्रमुख भूमिकामा छन् । नेपाली ताल फिल्मका निर्देशक निर्मल शर्माको निर्देशनमा बनेको जाम्बाज जिगरवालेमा आफू जीप ड्राइभरको भूमिकाम अभिनय गरेको बताउँदै विराजले भने 'यहाँको झैँ त्यहाँका फिल्ममा पनि मेरो डिमाण्ड बढिरहेको छ ।'
त्यसै त हिन्दुस्तान महान् झन् त्यसमाथि बिराजको बढ्दो डिमाण्ड । अब यस्तो बेला बिराजलाई लिनु अघि एकखेर नसोचेर भयो त ?
Subscribe to:
Post Comments
(
Atom
)
Post a Comment