र्याम्प मोडलिङ, म्युजिक भिडियो, स्टेज कार्यक्रमबाट बामे सर्दै उनले बिस्तारै चलचित्रमा सहनायिका हुने अवसर पाइन् । त्यसपछि लोकदोहोरीकी सर्वाधिक व्यस्त मोडल भएकी पूजना चलचित्रमा नायिकाका रुपमा पनि देखा परिरहिन् । रोजेजस्तो भूमिका छान्ने चक्करमा पूजना केही समय ता राजधानीको एउटा आश्रममा थर फेरेर पूजना स्त्री भै आध्यात्ममा लीन हुन पुगेकी थिइन् । अनायास उनी बलिउड छिरेको खबर सुनियो । पूजना बलिउडका नायक गोविन्दाका भान्जा विनय आनन्दकी नायिका भएर भोजपुरी चलचित्र 'जवाँ जीगरवाले'मा अभिनय गरिरहेकी छिन् ।
त्यसो त पूजनाको फिगर पनि छ, जिगर पनि छ । साथमा परिस्थितिसँग सम्झौता गर्नसक्ने क्षमता पनि । पुजनाको यो फड्कोले भलिउडमा के हुन्छ थाहा छैन, कलिउडमा भने भलिउड याने कि भोजपुरी चलचित्र उद्योगको सपना देख्नेहरूचाहिँ ईर्ष्यले मर्ने भए नि हो।
Post a Comment